லக்ன பாவ பலன்

உடல்வாகு, நிறம், கவர்ந்திடும் சக்தி, அழகு, செல்வம், உடலில் உள்ள இரத்தத்தின் தன்மை, அழகிய உள் பாகங்களும், தலைப்பகுதியையும், புகழ், வாழ்க்கையில் அனுபவிக்கும் அனைத்து சுகங்களையும், சுப நிகழ்ச்சிகளையும், அதனால் ஏற்படும் மகிழ்ச்சியையும் அனுபவிக்கப்பெறும் ஆயுளையும் குறிக்கும் பாவமாகு. அடித்தளம் பலமாக அமைந்தால்தான் கட்டிடம் ஆண்டாண்டு காலத்திற்கு நிலைத்திருக்க இயலும். அதேபோன்று லக்னமும் பலமாக அமைந்தால்தான் அனைத்தும் அனுபவிக்கும் யோகத்தை, நீண்ட ஆயுளை தரும். வாழ்க்கை வசதிகளை அனுபவிக்க செல்வம் அவசியம் தேவையே. செல்வம் இருந்தால் மட்டும் போதாது, அதை அனுபவிக்க உடல் நலமும் தேவையே. உடல் நலத்தோடு அனுபவிக்க ஆயுளையும் பெற வேண்டும். இவைகளுக்கு உதாரணமாக லக்ன பாவம் பலமாக அமைய வேண்டும்.